Жоғары білім сапасын қамтамасыз етудің жаңа тәсілдері
Бағдарлама туралы
Бағдарламаның идеясы алғаш рет «жаңа буын» біліктілік талаптарын айқындаудың әдіснамалық негіздері, жоғары білім беру сапасын қамтамасыз етудің сыртқы және ішкі тетіктері мен инфрақұрылымын жетілдіру жөніндегі ұсынымдар, жоғары білім беру сапасын қамтамасыз ету саласындағы заңнаманы жетілдіру жөніндегі ұсынымдар, ғылыми-зерттеу қызметінің сапасын қамтамасыз ету және нәтижелілігін арттыру жөніндегі жаңа тәсілдер әзірленетін болады, сондай-ақ ғылыми басылымдарды саралау бойынша автоматтандырылған ақпараттық-талдамалық жүйе құрылады.
Бағдарламаның мақсаты
Бағдарламаның мақсаты – цифрлық технологияларды енгізу және жоғары оқу орындарының институционалдық, кадрлық және ресурстық әлеуетін бағалау әдістерін қолдану негізінде Қазақстанның жоғары білім беру сапасын қамтамасыз ету жүйесіне арналған жаңа тәсілдерді, тетіктерді, кешенді ғылыми-әдіснамалық және ақпараттық базаны әзірлеу.
Бағдарламаның негізгі тұжырымдары
Зерттеудің алғышарттары
Бұл ғылыми зерттеуді жүргізуге түрткі болған негізгі алғышарттар Мемлекет басшысының инновацияларды енгізу, цифрлық трансформация және Қазақстанды IT-елге айналдыруға бағытталған стратегиялық бастамаларын толық іске асыру қажеттілігімен, сондай-ақ білім беру жүйесін жаһандық үрдістерге бейімдеу мәселелерін шешумен байланысты.
Ғылыми жаңалығы
Ғылыми жаңалығы – Қазақстанда жоғары білім беру сапасын қамтамасыз ету жүйесін цифрлық технологияларды пайдалану арқылы жаңғыртуға арналған теориялық-әдіснамалық тәсілдер алғаш рет әзірленетін болады.
Күтілетін әсері
Бағдарламаны іске асыру жоғары білім беру сапасын арттыруға, оның халықаралық деңгейдегі бәсекеге қабілеттілігін күшейтуге және ғылыми-техникалық дамудың қазіргі және болашақ сын-қатерлеріне жауап бере алатын кадрлық әлеуетті қалыптастыруға ықпал етеді.
Бағдарлама шешетін стратегиялық маңызы бар мемлекеттік міндеттер
Даму стратегиялары мен жоспарлары
«Қазақстан Республикасының 2025 жылға дейінгі ұлттық даму жоспары»
«Қазақстан Республикасының 2050 жылға дейінгі даму стратегиясы»
Қазақстан Республикасының 2025 жылға дейінгі стратегиялық даму жоспары
Ұлттық жобалар мен тұжырымдамалар
«Қазақстандықтардың әл-ауқатын арттыруға бағытталған орнықты экономикалық өсу» ұлттық жобасы
«Қазақстан Республикасында жоғары білім мен ғылымды дамытудың 2023–2029 жылдарға арналған тұжырымдамасы»
«Ақпараттық-коммуникациялық технологиялар саласын цифрлық трансформациялау, дамыту және киберқауіпсіздікті қамтамасыз ету жөніндегі 2023–2029 жылдарға арналған тұжырымдама»
Жолдаулар мен заңнамалық база
Мемлекет басшысының Қазақстан халқына Жолдауы «Әділетті Қазақстанның экономикалық бағдары»
Қазақстан Республикасы Президенті Қ. Тоқаевтың Қазақстан халқына Жолдауы «Халық бірлігі және жүйелі реформалар – ел өркендеуінің берік негізі» (2021 ж.)
Қазақстан Республикасы Президенті Қ. Тоқаевтың Қазақстан халқына Жолдауы «Әділетті мемлекет. Біртұтас ұлт. Берекелі қоғам» (2022 ж.)
Қазақстан Республикасының «Ғылым туралы» Заңы
Қазақстан Республикасының «Білім туралы» Заңы